KALIBO, Aklan — Gin-umpisahan eon it Department of Social Welfare and Development (DSWD)-6 ro pagpanupod it foods packs sa mga residente nga naapektuhan it temporaryong pagpasarado sa isla it Boracay.
Sa interview it Bombo Radyo, ginpahayag ni Lisa Camacho, regional action officer it DSWD-6 nga kapin sa 50,000 nga food boxes halin sa Central Office ro igapadaea sa Boracay kon siin kapin sa 17,000 eon ro nai-deliver sa isla para sa 1st batch it distribution.
Ko Agosto 9 hay gin-umpisahan eon ro pagpanupod sa Barangay Yapak samtang kahapon nga adlaw it Biyernes hay sa Balabag ag makaron nga adlaw it Sabado hay sa Manocmanoc sanda
Target kara ro mga households nga nataw-an it disaster assistance family access card (DAFAC).
Ro food boxes hay may sueod nga 6 nga kilo it bugas, nagkaeain-eain nga delata ag iba pang food items.
Ginpahayag ni Camacho nga ginpakamayad nandang ibutang sa box ro mga food items agud malikawan ro pagkasamad kara.
