60 naduea kat anuron ro 2 bus sa suba it Nepal

KALIBO, Aklan – Padayon ro ginahimo nga pag-usoy it una sa 60 nga mga pasahero it 2 bus nga gin-anod it landslide sa Nepal.

Suno sa mga otoridad nga bangud sa uwa it pundo nga pag-uean hay inaanod paadto sa suba ro nasambitan nga bus.

Natabo ro insidente ku agahon it Biyernes sa Chitwan sa Narayanghat-Mugling highway o may 100 kilometro ro eayo halin sa capital na Kathmandu.

May una nga daywang biktima ro naka-euwas sa insidente.

Nagpanawagan eun si Prime Minister Pushpa Kamal Dahal sa tanan nga mga ahensiya it gobyerno kara nga makipagbuligan para nga insigidang makita ro mga biktima.