Humampak sa 606 ro mga numero it naangot sa aksidente sa karsada sa nagtaliwan nga holiday season sa Pilipinas base sa datos halin sa 8 Pilot sites nga binantayan it Department of Health para sa Road Traffic Incidents halin ku Disyembre 22, 2024 hasta kahapon, Enero 3, 2025.
7 kara hay namatay, kaabuan o una sa 4 ro patay bangud sa motorcycle accident.
Halin sa numero nga 115 sa nadisgrasya hay nakainom it aeak, 527 ro uwa gumamit it safety accessories kapareho it helmet ag seatbelt, samtang 433 hay rason it motorcycle accidents.
Samtang, suno sa DOH, ginasaligan nga amat-amat nga magabalik sa regular traffic ro sitwasyon sa mga karsadahon matapos ro mahaba nga holiday season.
Angot kara, uman nga nagpadumdom ro ahensiya sa publiko nga magpabilin nga disiplinado.
Uman nga ginpadumdom it DOH ro pagsuksok it safety gears kapareho it helmet ag seatbelt, likawan ro overspeeding, sundon ro mga traffic sign, mag-angkon it bastante nga pahuway bago magdrive ag indi mag-inom it aeak kun gamaneho agud malikawan ro aksidente.
