POLICE Report —Nauli sa trahedya ro practice driving it sangka 34-anyos nga rider matapos mamatay ro anang 8-anyos nga gumankon kat masagasaan it truck sa Cebu, City.
Ro biktima nga residente it Cebu City hay nagbisita eamang sa anang lola sa nasambit nga lugar.
Owa nasayuran it ina it unga nga gindaea it anang tiyo sa practice driving gamit ro bag-o nanda nga motorsiklo, kun sa siin ginasugid nga nagea-ong eamang raya sa lola it unga.
Sa imbestigasyon it Minglanilla Traffic Commission, naduea-an it balanse ro rider nga naging rason it pagkatumba it motorsiklo.
Inapok ro unga sa kilid it karsada ag eksakto man nga nag-agi ro sangka truck nga may kargang semento, nga nagresulta sa anang insigidang pagkamatay.
Nagpangayo it pasaylo ro driver it truck ag ginhambae nga owa eon nana nalikawan ro unga.
Ginbaton man it ina it biktima nga sangka aksidente ro natabu ag indi eon nana pagakasuhan ro driver, sa kundisyong pagabuligan sanda sa gastos para sa maayos nga eubong it unga.
