Waeong skydivers nga may edad nga indi maganaba sa 80 ro nakabaton it Guinness World Record title nga “Largest Formation of Jumpers Over the Age of 80”.
Ginpamatud-an nanday Jim Culhane, Cliff Davis, Scotty Gallan, Walt Green, Paul Hinen, Sky Humminsky, Woody McKay ag Ted Williams nga bukon it sabeag ro edad para mapaeakip sa Guinness Book of World Records.
Ro waeong skydivers hay miyembro it grupong Jumpers Over Eighty Society (JOES).
Ro JOES hay ginaeakipan it mga beteranong skydivers nga may mga mabahoe nga ambag sa modern sport of skydiving.
Suno sa sangka miyembro it JOES nga si Cliff Davis, gin-obra nanda ro nasambit nga record breaking attempt agud nga ipakita nga ro andang ikasarang ag kasanayan sa skydiving hay owa it kupas ag owa nagakaduea sa paggueang it andang edad.
Natabu ro record breaking attempt sa Skydive DeLand, sangka lugar sa Orlando, Florida kun sa siin pirmeng nagakatabu ro skydiving events.
