KALIBO, Aklan—Ginpirmahan eon ni Pangueong Rodrigo Duterte ro ginproponer nga laye may kaangtanan pagtunga sa daywang distrito ro probinsya it Aklan.
Sa interview it Bombo Radyo Kalibo, ginkumpirma ni Aklan lone district representative Carlito Marquez nga pirmado eon it Pangueo ro gin-akda kara nga House Bill No. 7522 ukon An Act Reapportioning the Province of Aklan into Two Legislative Districts.
Suno pa sa Kongresista, magabukas raya it bag-ong kahigayunan sa mga taga-Aklan sa pag-angkon it dugang nga representante sa Kongreso ag magadoble eon sigon ro Priority Development Assistance Fund (PDAF) kada dag-on para sa probinsya.
Ro first district it Aklan hay ginakaeakipan it capital town it Kalibo, Altavas, Balete, Batan, Libacao, Madalag, New Washington ag Banga.
Samtang, ro second district hay ginakaeakipan it Malay, kon siin makit-an ro Boracay, kamana man ro iba pang mga banwa sa western side nga Buruanga, Ibajay, Nabas, Malinao, Tangalan, Makato, Numancia ag Lezo.
