KALIBO, Aklan — Padayun nga ginasabat it lokal nga gobyerno it Kalibo ro mga kakueangan matapos nga maeakip sa mga low compliance nga banwa sa ginpatigayon nga inspeksyon it Department of Interior and Local Government ukon DILG sa road clearing operations .
Suno kay Executive Assistant Basil Tabernilla it LGU-Kalibo nga mag-eowas sa mga non-cooperative nga mga barangay officials hay maabu man ro mga pasaway nga mga motorista .
Nasayuran may pilang motorista ro nasita it validation team matapos nga mag-parking sa kilid it national highway kamana man nga may mga nagbun-ag pa it paeay.
Bangud kara, plano nanda nga magdugang pa gid it mga KAP members agud nga mapahahan-hagan ro paggutok it trapiko.
Bangud suno kana nga ro Kalibo hay sangka magueang nga banwa hay nakaangkon raya it mga maisot nga karsada nga owa nagakabagay sa pagiging first class municipality nga kategorya kara sa makaron.
