KALIBO, Aklan — Stranded ro pilang pasahero ag mga motorsiklo sa Dumaguit Port bangud sa kakueangan it nagabiyahe nga baroto patabok sa Batan Port.
Nasayuran nga halin sa ap-at hay daywang baroto eon lang ro nagabueos-bueos sa pagbiyahe, kun sa siin, limitado eamang sa 17 nga pasahero ag ap-at nga motorsiklo ro pwedeng isakay.
Ginasugid nga owa nakapa-renew it andang registration ro ibang operator it baroto.
Madumduman nga gin-umpisahan eon it MARINA ukon Maritime Industry Authority ro pag – phase out it mga passenger vessel nga himo sa kahoy.
Indi eon man sanda magabaton it bag-ong registration para sa mga wooden – hulled passenger vessel bangud sa ginaduso nga modernisasyon sa industriya para sa kaeowasan it mga pasahero.
Pagapasugtan eamang sigon nga magparehistro ro mga bag-ong baroto kon raya hay himo sa fiber glass ukon bakal.
Nauna eon nga ginaduso it Department of Transportation ro modernization sa mga barotong kahoy kasunod it pag-eugdang it baroto sa Iloilo – Guimaras Strait kun sa siin 31 nga katawo ro namatay.
