Business News ——-Gin-engganyo it Pilipinas ro tatlong mabahoe nga pagkilaea sa 27th World Travel Awards Asian Category, kun sa siin ginpierde kara ro 11 nga nominadong nasyon.
Nadag-an it Pilipinas ro Asia’s leading beach destination ag Asia’s leading dive destination.
Nabo-oe man it Department of Tourism (DOT) makaron nga dag-on ro leading tourist board in Asia.
Suno kay Tourism Secretary Bernadette Romulo-Puyat, eubos sanda nga nalipay ag nagapasaeamat sa mga pagkilaeang nabaton it Pilipinas.
Magaserbi sigon raya nga inspirasyon sa industriya kadungan it amat amat nga pagbukas it mga tourist destinations sa nasyon.
Dugang pa ni Puyat, indi raya magiging posible kun owa ro pagbueuligan it tourism stakeholders, Local Government Units, partner agencies ag bilog nga pumueuyung Pilipinong owa it kagauyan nga naga-promote it mga produkto, atraksyon ag kultura it nasyon.
Raya eon ro ika-ap-at nga beses nga nagdaog ro Pilipinas sa leading beach destination, ikaywang beses sa leading dive destination ag ikaywang beses nga nakaangkon it pagkilaea ro nasambit nga taeatapan.
