POP STAR NGA SI PINK, NAGTANYAG NGA IMAW RO MAGABAYAD IT MULTA IT WOMEN’S BEACH HANDBALL TEAM IT NORWAY SA PAGPAMALIBAD NGA MAGSUKSOK IT BIKINI

SPORTS News — Nagtanyag ro pop star nga si Pink nga imaw ro magabayad it multa nga ginpapanaog sa Norwegian women’s beach handball team matapos nga magsuksok sanda it shorts kapareho it andang eaeaki nga counterparts imbes nga bikini.

Ro team  hay ginmultahan it 1,500 euros bangud sa pagsuksok it “improper clothing” ag ro European Beach Handball Championships.

Sa tweet ni Pink,  ginpahayag kara nga masyado imaw nga  proud sa Norwegian female beach handball team  matapos nga magprotesta  sa masyadong “sexist rules” angot sa andang uniform.

Gindugang pa kara nga haum imaw nga magbayad it multa para kanda.

Samtang, ginpasaeamatan it team  si Pink bangud sa ginpakita nga suporta.