KALIBO, Aklan—Pasado eon sa unang pagbasa it Sangguniang Panlalawigan ro sangka ordinansa angot sa pagduso it Aklan Grains Processing Center kung siin nakataeana eon rayang talakayon it komite para sa ikaywang pagbasa.
Ginpahayag ni Sangguniang Panlalawigan member Soviet Russia Dela Cruz, Chairman it Committee on Agriculture nga posibleng maging operational eon ro proyekto sa masunod nga daywa ukon tatlong dominggo.
Tuyo it Aklan Grains Processing Center nga mabuligan ro mga lokal nga mangunguma it probinsya pinaagi sa pagbakae it gina-ani nga paeay it mga raya sa mas mahae nga haega.
Nasayuran nga tapos eon ro konstruksyon it nasambit nga edipisyo ag nakataeana eon nga i-deliver ro pilang makinarya.
Ro Aklan Grains Processing Center sigon hay kaparte it Agri-aqua farm nga proyekto it gobyerno probinsyal sa bahin it Brgy. Nalook, Kalibo.
