KALIBO, Aklan—Nagapabilin nga una sa critical ro kondisyon it sangka 70 anyos nga persona samtang nakaangkon man it minor injuries ro 16 nga iba pa matapos ro natabong pagpamuno sa sueod it train sa Tokyo, Japan.
Suno kay Bombo International Correspondent Josel Letrero Palma it Yokohama, Japan nga mga bandang alas-8 kabi-e kat gulpi eamang nga nagpakalhit it lighter fluid ag nagpangsunog ro suspek nga si Kyuta Hattori, 24 anyos samtang nakasakay sa train suksok ro anang Joker costume.
Matapos ro anang pagpangsunog hay nagbunot pa raya it siyaw ag gulpi eamang nga nagpangbuno.
Sa mayad nga suwerte hay napindot it mga pasahero ro emergency stop ag nakaangkon it tiyansa ro mga raya nga makadaeagan samtang ro iba man hay nag-eukso sa bintana.
May mga pila pang na-suffocate bangud sa ginabuga nga aso it ginsindihan nga fuel fluid it nasambitan nga suspek.
Base sa imbestigasyon, gustong eamang it suspek nga makapatay it daywang katawo ukon masobra pa agud nga masentensiyahan it death penalty.
Nasayuran dugang nga posibleng nagapangatubang it depression ro suspek.
