KALIBO, Aklan—Suportado it grupong Bagong Alyansang Makabayan ukon Bayan-Aklan ro panawagan it mga commuter nga makaangkon eon it pagnaba sa panueoktan it pamasahe sa tanan nga pampublikong transportasyon.
Ginpahaayag ni Kim Sin Tugna, Provincial Coordinator it Bayan-Aklan, tyempo eon para mapamatian ro sentimiyento it mga ordinaryong pumueoyo matapos ro mahaba nga tyempo it pag-antus sa mataas nga pamasahe tuga it ginpatuman nga COVID-19 restriction.
Nagakadapat eamang sigon nga maibalik eon sa dating presyo ro mga pamasahe sa mga Public Utility Vehicles bangud umpisa sa Lunes pagapasugtan eon ro 100 percent nga seating capacity sandig sa direktiba it Land Transportion Office ukon LTO-Aklan.
Samtang, ginkondena man ni Tugna ro mahinay nga pag-aksyon it gobyerno sa pagtao it ayuda sa mga tsuper.
Dapat sigon taw-an it nagakaigo nga igtueopangod it gobyerno ro igatao nga fuel subsidy sa mga PUV driver para mabalanse ro presenteng sitwasyon nga mataas gihapon ro presyo it produktong petrolyo.
