Nagpaandam si dating National Security Adviser Clarita Carlos kontra sa mga padalos-dalos nga tikang it Pilipinas sa tunga it nagalala nga tensyon sa China, ag ginengganyo ro gobyerno nga pairalon ro madahan nga diplomasya antes ro ASEAN Summit sa masunod nga buean.
Kinahangean man sigon nga timbangon ro posibleng epekto it pagdeklarang persona non grata sa sangka diplomat ukon daeayon nga pagputoe it diplomatikong koneksyon sa Beijing, partikular sa ekonomiya ag kalakalan it daywang nasyon.
Ginengganyo man nana ro mga opisyal nga likawan ro mga pahayag nga posibleng magpalala sa kinaamo ag sa baylo hay pairalon ro diyalogo.
Ginpamilit man ro kahaeagahan it klaro ag magkakonekta nga pangguwa nga sueundanan samtang nagapahaom ro Pilipinas nga mag-host it ASEAN Summit ag magatambong si Pangueong Ferdinand Marcos Jr. sa APEC Economic Leaders’ Meeting sa China.
