KALIBO, Aklan—Naga-umpisa eun sa pagpatigayon it monitoring sa presyo it mga noche buena products ag christmas lights ro Department of Trade and Industry ukon DTI-Aklan.
Sa ginpatigayon nga press conference kahapon, ginpahayag ni DTI-Aklan Provincial Director Carmen Ituralde nga sa makarun hay gina-monitor nanda ro mga retail establishments kung nagasunod sa gintaeana nga suggested retail price.
Ro SRP it mga noche buena products ag christmas lights hay makit-an sa dti.gov.ph.
Samtang ginaeaygayan man it DTI ro mga bumaeakae nga magpili eamang it mga christmas lights nga may unang PS mark ukon ICC mark.
Raya hay agud nga masiguro mga euwas ro andang ginabakae nga produkto ag malikawan ro insidente it pagkasunog.
Samtang dapat man sigon nga ikonsedera it publiko ro pagpamakae sa mga establisiyemento nga may unang safety seal.
