KALIBO, Aklan—Nagapadayon ro imbestigasyon it mga otoridad ag gobyerno sa Sicily City sa Italy kasunod it pagsabog kon sa siin ap-at ka mga residential building ro nag collapse.
Suno kay Bombo International Correspondent Girlie Ongoco it Rome, Italy, nalisdan ro mga rescuer team sa pagsuyod sa mga posibleng natambakan it mga semento ag iba pang debris sa pagkarumpag it edipisyo.
Maskin high tech sigon ro andang kagamitan hay nalisdan gihapon ro mga raya sa paghaw-as sa mga natambakan nga biktima.
Ginpahayag dugang ni Ongoco nga nagpaeopad eon it drone ro mga otoridad ag nagpangayo eon ro mga raya it bulig sa kaeapit nga banwa ag syudad agud nga madasig ro andang pag-usoy sa mga biktima.
Ginatos sigon ro nagbakwit apang tatlo ro kumpirmadong patay kamana man an-om ro naireport pa eamang nga missing.
Raya hay bangud nga natutulala pa sigon ro andang mga himata kasunod it nasambit nga insidente.
Ginapatihan sigon nga gas leak ro gintunaan it pagsabog bangud ro andang mga pipe line hay sa idaeom it mga idepisyo nakaeobong sa eogta.
Apisar nga permi raya ginasikyar, inde sigon malikawan nga may mga luma eon sa mga pipeline nga imaw ro gintunaan it insidente.
