KALIBO, Aklan—Matapos nga ipaidaeum sa Alert Level 3 ro bilog nga Western Visayas ko nagtaliwan domingo, ginmandu it Land Transportation Office ukon LTO-6 ro temporaryong pagsuspinde sa pagpa-enroll ag klase it theoretical driving courses sa tanan nga mga driving schools sa rehiyon.
Suno kay Engr. Marlon Velez, head it Land Transportation Office ukon LTO-aklan nga raya ro kabangdanan kon ham-an nga indi anay maka-isyu it certificate of completion ro nasambit nga mga driving partikular sa mga nagabo-oe it student permit ag bag-ong lisensiya.
Sa pihak kara, padayon ro operasyon it andang taeatapan agud nga magtratar it mga naka-schedule nga appointemt.
Padayun sigon nanda nga ginapatuman ro transaction by appointment bangud nga limitado eamang ro ginabaton nga kliyente.
Samtang, gindugang pa ni Engr Velez nga ginpaeawig man it andang taeatapan ro validity it drivers license it daywang buean.
Engkaso suno kana nga ma-expire ro lisensiya makaron nga enero ag pebrero, pwede pa raya nga ma-renew sa buean it Marso 31 ag Abril.
Mag-eowas kara, gin-extend man ro rehistro it mga saeakyan it sang buean.
