KALIBO, Aklan—Haeos kapareho eamang it normal nga adlaw it Valentine’s day sa nasyon it Portugal.
Suno kay Bombo International Correspondent Norma Canda nga owa raya masyadong ginataw-an it importansya it mga Portugese.
Maeaka man sigon ro mga shop nga nagabaligya it bueak ag sangkiri eamang ro naka-display nga dekorasyon angot sa adlaw it tagipusuon.
Sa dati sigon nga tyempo, may mga kaugalingon nga tradisyon ag kultura ro mga probinsya kun paano i-selebrar ro okasyon.
May kanta sigon nga para eamang sa Valentine’s day kung siin ginakanta raya it mga eaeaki nga naga-propose sa andang karelasyon.
Apang, sa makaron nga henerasyon haeos normal nga adlaw eamang ro Pebrero 14.
Sa pihak kara, ginakabig man ni Canda nga palasyo ro nasyon it Portugal bangud sa pagiging matawhay ag maeayo sa kriminalidad.
Si Canda hay sangka Ilongga ag masobra napueong dag-on eon nga naga-istar sa nasambit nga nasyon.
