KALIBO, Aklan—May tatlo eon nga pampublikong eskwelahan sa probinsiya it Aklan ro uman nga nagpadayun it andang limited face to face classes umpisa makaron nga adlaw it Lunes.
Suno kay Dr. Miguel Mac Aposin, Schools Division Superintendent it DepEd-Aklan nga raya hay ginaeakipan it Malinao School for Philippine Craftsmen sa Senior High School, Maloco National High School sa banwa it Ibajay sa Grade 7 to 10 ag Grade 11 ag 12 ag Buruanga Elementary School sa Kindergarten hasta Grade 6.
Ginaeauman nga madugangan pa ro nasambit nga numero it mga eskwelahan.
Ro mga nagpatigayon sigon it face to face classes hay nauna eon nga ginpaidaeum sa assessment it DepEd ag nakapasar sa gintaeana nga standards it School Safety Assessment Tool nga gin-validate it composite team it Schools Division Office.
Uman nga ginklaru ni Dr. Aposin nga kinahangean nga may pahanugot it ginikanan ro pag-agto sa eskwelahan it estudyante kamana man nga may approval it natungdan nga lokal nga gobyerno ag koordinasyon sa barangay officials.
Kapareho it dati, limitado eamang ro numero it mga learners sa sangka classroom ag oras it klase.
Naga-abot eamang sa 12 sa kinder ag elementary samtang 16 sa high school.
Ro mga learners nga indi makatambong it face to face classes hay magapadayun sa pag-obra it andang module sa baeay.
Nakaangkon sigon sanda it bentaha matapos nga makapartisipar sa pilot implementation.
Bukon suno kana it requirement sa pagpasakop sa klase ro vaccination card.
Apang gina requite it DepEd nga fully vaccinated ro mga manugturo.
Bangud ro aklan hay presenteng sa idaeum it Alert Level 2 hay maga-arangkada eon ro implementasyon it expanded limited face to face classes nga nagakahueugan nga ro tanan nga mga eskwelahan hay ginataw-an it “go singal” nga magpahaum.
