KALIBO, Aklan—Ginpaathag it Department of Foreign Affairs (DFA) nga maabu pa gihapon nga mga Filipino ro nagaduha-duha nga mag-uli sa nasyon sa pihak it kinagamo sa tunga it Russia ag Ukraine.
Suno kay DFA Undersecretary for Migrant Workers’ Affairs Sarah Lou Arriola, kapin sa 181 halin sa masobra 300 Filipino ro nagapabilin gihapon sa Ukraine.
Maskin ro mga kaibahan sa masobra 40 Filipino sa Eastern City it Lviv hay nagdesisyon nga indi mag-avail it repatriation ag nagaeaum nga ro giyera sa tunga it Ukraine ag Russia hay madasig nga maresolba.
Ginpahayag pa ni Arriola nga may pilang mga Filipino nga owa naila makipag-angot sa mga empleyado it DFA bangud sa kahadlok nga sanda hay puwersahang ibalik sa Pilipinas.
Sa pihak kara, padayun nga gina-engganyo it DFA ro mga Filipino nga mag-uli eon sa nasyon samtang may kahigayunan pa.
