-- ADVERTISEMENT --
KALIBO, Aklan—Sa ika-napueo nga domingo hay uman nga magataas it tatlo hasta limang piso kada litro ro presyo it produktong petrolyo.
Sa pagtantiya it Unioil, magasaka it P5.30 hasta P5.50 ro kada litro it diesel.
Magataas man it P3.60 hasta P3.80 ro kada litro it gasoline.
Kapin sa P4.00 hasta P4.10 man ro igataas it kada litro it kerosene.
Sa kabilugan hay kapin sa P10 hasta P11 eon ro ginsaka it presyo it produktong petrolyo.
-- ADVERTISEMENT --
Ginaeauman man nga magpaguwa it abiso ro oil companies angot kara hin-aga, March 7, 2022.
Raya hay tuga sa gihapon it nagapadayun nga giyera it Russia kontra sa Ukraine kun sa siin ro Russia hay ro pangatlong pinakamabahoe nga oil-producer sa bilog nga kalibutan.
