KALIBO, Aklan—Nagpanindugan si Vice Presidential candidate Senator Vicente “Tito” Sotto III nga dapat maghimo it pamaagi ro gobyerno para solusyonan ro mga problema sa tunga it pandemya.
Pila sa mga ginplastar ni Sotto hay ro pagpundo sa importasyon it mga pandemic supplies.
Dapat suno kana nga tinguhaan it gobyerno nga maka-manufactor it kaugalingon nga bakuna, syringe, needles, coton ag Personal Protective Equipment (PPE) sa nasyon.
Tuyo kara nga makatao it maabu nga trabaho sa mga Filipino ag masiguro ro bastante nga suplay.
Mag-eowas kara, nagakadapat sigon nga pataasan eon ro sweldo ag itao ro hazard pay it mga healthcare workers partikular ro mga nurse, doktor ag barangay health workers nga nagatao it indi matupungan nga serbisyo ag sakripisyo sa tunga it COVID-19 pandemic.
