KALIBO, Aklan—Gin-insister ni Kagawad Menchie Batoy it Brgy. Lanipga, Tangalan nga owa imaw it ginbo-oe sa kwarta nga nabatun it anang mga residente nga nakabenipisyo sa idaeum it Tulong Panghanapbuhay sa Ating Disadvantaged/Displaced Workers (TUPAD) program nga ginlunsar it Department of Labor and Employment ukon DOLE.
Suno kay Batoy, nga kung may nagareklamo kana hay nagakadapat eamang nga prangkahon imaw.
Depensa pa kara nga may mga gusto eamang nga magpanamad kana.
Ginpahayag dugang nga ro mga pomoeuyo ro nagbatun it andang payroll rason nga malabo rayang mabuhinan pa nana.
Samtang, hugot man nana nga ginpamalibaran ro alegasyon nga ginhambae kara nga maghalin kay Cong. Teodorico “Nonong” Haresco ro kwarta nga ginpasuweldo sa mga nagtrabaho sa idaeum it nasambitan nga programa.
