INTERNATIONAL News —- Nag-abot eon sa masobra sa 7.1 milyon ro numero it mga ginakabig nga Internally Displaced Persons (IDP) ukon mga indibidwal nga napilitang mag-evacuate sa andang mga baeay apang nagapabilin sa mga border it Ukraine.
Sa ginpatigayon nga pagtuon it International Organization for Migration (IOM) it United Nations, ginatantiyang kapin sa 59% ro puro mga kababayin-an.
Samtang 41% it mga IDP ukon 2.9 milyong indibidwal hay makit-an sa nakatungdan nga parte it Ukraine.
Suno kay IOM Director General Antonio Vitorino, padayun ro pagtaas it numero it mga naga-evacuate bangud sa giyera ag maging sa humanitarian needs.
Pebrero 24 kat salakayon it Russia ro Ukraine, rason nga gin-aywan raya it minilyon nga katawo kaibahan ro masobra sa 4.2 milyong Ukrainians.
