-- ADVERTISEMENT --
NATIONAL News —- Gin-anunsyo ni Acting Presidential Spokesperson Martin Andanar nga nadugangan pa ro mga ginakilaea nga COVID-19 vaccination certificate it Pilipinas.
Kaibahan sigon sa mga nasyon ngara hay ro Bangladesh, Mexico, Panama, ag Slovak Republic.
Suno kay Andanar, gin-aprubahan it Inter-Agency Task Force for the Management of Emerging Infectious Diseases ro pagkilaea sa certificates it nasambit nga mga nasyon para sa arrival quarantine protocols ag interzonal ukon intrazonal movement.
Ro Bureau of Quarantine, Department of Transportation – One-Stop-Shop, ag Bureau of Immigration ro ginmanduan agud nga kilaeahon ro mga newly approved vaccination certificate.
