Nagkasugot ro China ag Pilipinas sa pilang ka mga isyu nga may kaangtanan sa dawyang nasyon.
Ginpahayag raya it Malacañang sa sangka statement matapos ro naging pagpueong ni Pangueong Rodrigo Duterte ag Chinese President Xi Jinping sa sangka phonecall.
Dikara uman nga ginbalikan it daywang lider kung paano nag-umpisa ag nagpadayon ro manami nga relasyon nanda sa kada isaea.
Suno sa Malacañang, nagkasugot ro daywang ka lider nga pabaskugon pa ro andang economic relations ag padayunon ro Build, Build, Build project kamana man ro pagpadayon sa katawhayan sa West Philippine Sea.
Mag euwas kara nagapanawagan man it sangka matawhay nga solusyon ro daywang ka mga nasyon bangud sa andang nabatyagan nga pagkabaeaka angot sa nagapadayun nga giyera sa tunga it Russia ag Ukraine.
Samtang, kaibahan man sa gin-istoryahan nanday Duterte ag Xi ro mga isyu angot sa two way trade investments, pagbaeayluhan it goods ag services ag climate change.
