SPORTS News —- Nagapahaum eon ro Filipino Olympian EJ Obiena sa nakataeanang pagsabak sa Southeast Asian Games matapos nga malimpyuhan ro anang pangaean halin sa liquidation issues.
Nauna eon nga nakaangkon it owa pagka-ilintindihan ro pole vaulter sa Philippine Athletics Track and Field Association, ro sport’s national governing body, angot sa pondo nga nakataeana sa sweldo it anang Ukrainian coach nga si Vitaly Petrov.
Apang ro pilang buean nga bagina hay naayos eon matapos nga makabo-oe si Obiena it Credit Notice halin sa Commission on Audit may kaangtanan sa paggastos it anang pondo.
Nakataeanang pagadepensahan it nagapangunang pole vaulter sa Asya ro anang SEA Games title sa Hanoi, Vietnam.
Nabaton eon man sigon nana ro anang endorsement halin sa PATAFA agud nga magpasakop sa World Outdoor Athletics sa US sa maabot nga Hulyo.
