BALITANG Espesyal —- Sangka eaeaki halin sa Iraq nga may talent sa pag-balanse ro nakahimo it Guinness World Record pinaagi sa pag-assemble it pitong M&M’s agud nga maging tore.
Ginhana ni Ibrahim Sadeq, 29 anyos nga eampasan ro dating record ag owa imaw napas-eawan nga ginsaksihan it Guinness adjudicator nga ginpatigayon sa Nasiriyha.
Ginasugid nga ro nasambit nga kategorya ro pirmeng ginahana nga eampasan sa Guinness World Records .
Natigayon nga makahimo it tower si Sadeq gamit ro pitong dolse it M&M’s, sobra sa dating record nga nahimo it Australian nga si Brendan Kelbie, 22 anyos nga nakapatong-patong eamang it 6 nga dolse.
Nasayuran nga dati eon nga naka-obra it Guinness World Record si Sadeq pinaagi sa pag balanse it 18 nga itlog sa likod it anang alima .
