BALITANG Espesyal —- Sangka rebulto halin sa ancient Roman empire ro nabakae it sangka babaye sa Texas sa balor nga $35 dollars ukon katumbas it P1,800.
Ko 2018, nagpamakae sa sangka second hand thrift store si Laura Young kat makita nana ro sangka rebulto nga nagabalor it $34.99.
Maskin nga nakaplastar eamang raya sa saeog, napukaw kara ro atensyon ni Young bangud nga halatang antigo raya ag himo sa marmol.
Bangud nga sangka antique dealer si Young, insigida nana raya nga ginbakae bangud sa pageaum nga mabahoe ro balor kara kon ibaligya.
Nagpangutana imaw sa mga kakilaea ag natukiban nana nga ro anang nabakae nga rebulto hay may daywang milenyo ukon 2,000 years eon ro anang edad.
Suno sa sangka 100 year old German art museum catalog, ro rebulto hay si Drusus the Elder, sangka Roman commander.
Mabuhay eon nga gina-usoy ro nasambit nga rebulto bangud nga gulpi eamang raya nga naduea sa Pompejanum museum sa Aschaffenburg, Germany.
Ro espekulasyon it mga art historian, gintakaw raya it sangka Amerikanong soldado ko World War II ag gindaea nana sa United States pagkatapos it giyera.
Sa makaron hay nakikipag-angot eon si Young sa sangka museum sa Germany agud nga ibalik raya idtu.
Magabaton it “finder’s fee” si Young bilang padya nana ag pagbalik sa naduea nga rebulto.
Bilang souvenir, nagpa-obra si Young it replica kara ag gin display nana sa anang baeay.
