Ginpabugae ni Defense Secretary Delfin Lorenzana nga madinaeag-on nga nadepensahan ni Pangueong Rodrigo Duterte ro teritoryo it nasyon sa West Philippine Sea (WPS) sa nagtaliwan nga an-om nga dag-on nga pagpungko kara bangud owa it nabawas sa teritoryo it Pilipinas.
Ginpahayag it sekretaryo, nakaangkon eamang it pag-improve ro mga nasyon nga may interes sa West Philippine Sea sa mga teritoryo nga presente nanda nga ginabuytan.
Sa bahin suno kana it Pilipinas hay nagapadayun man ro ginahimo nga improvement sa mga isla nga okupado it nasyon sa Kalayaan island group, kung siin pinakamabahoe ro Pag-asa island.
Target sigon it gobyero nga matapos ro runway sa Pag-asa island sa Hunyo 30 apang base nga abuton eon raya it Hulyo ukon Agosto.
Sa oras sigon nga matapos ro runway, posible eon nga maghugpa anumang oras ro mga eroplano sa Pag-asa island.
