KALIBO, Aklan—Nakikibot maskin ro mga tagdumaeahan it mga gasolinahan sa banwa it Kalibo sa sigidas nga pagtinaas it presyo it produktong petrolyo.
Raya hay kasunod it uman nga pagtaas sa presyo it diesel nga nagaabot sa P4.30 kada litro, gasolina nga kapin sa P2.15 ag kerosine ukon gas nga haeos P4.85 kada litro.
May kaangtanan kara, ginpahayag ni Michelle Villaruel, manager it Phoenix gasoline station nga uwa eon sanda nagabaton it maabuan nga purchase kaparehas it mga nagapatayon it drum-drum bangud nga uwa eon sanda it maita-o sa mga maintok nga konsumidor.
Ginpaathag nga kon dati hay sanda ro naga demand kon pila ro andang ipurchase, makaron sigon hay gina tunga-tunga eon lang it kompanya sa mga sub-gasoline station ro andang stock bangud nga uwa eon sanda it maboe-an nga supplier.
Aminado raya nga masyadong mahae eon ro presyo it petrolyo makaron apang nagasunod malang man sigon sanda sa mandato partikular nga mahae ro presyo kara sa pangkalibutanong merkado.
Nasayuran nga makaron nga adlaw it Martes igapatuman ro panibag-ong oil price increase nga nagiging panibag-ong paeas-anon it mga drivers/operators kamana man it mga commuters.
