KALIBO, Aklan—Gintaw-an it pagkilaea it Department of the Interior and Local Government ukon DILG, Philippine Drug Enforcement Agency ag Dangerous Drugs Board ro Local Government Unit it Kalibo sa 2021 National Anti-Drugs Abuse Council ukon ADAC performance award.
Suno kay Executive Assistant to the Mayor Basil Tabernilla nga ro award hay kasunod it madinaeag-on nga kampanya kontra sa iligal nga droga it LGU-Kalibo kun sa siin gindeklara eon bilang drug cleared municipality it PDEA-6.
Mabahoe suno kana raya nga dungog sa idaeum it pagdumaea ni outgoing Kalibo mayor Emerson Lachica.
Nasayuran nga base sa ginpatigayon nga evaluation it DILG, 100 porsyento ro nabo-oe it LGU-Kalibo matapos nga maabot ro pila sa mga standards it DILG.
Ro manami nga balita suno kana hay nabaton nanda sa ginpatigayon nga 2nd quarter joint committee meeting it municipal peace and order council ag municipal anti drug abuse council.
