Padayun pa gihapon sa pagtao it kasadya ro aktres ag vlogger nga si Ivana Alawi matapos nga taw-an it katumanan ro handom it andang kabulig nga magpa-nose job.
Sa anang bag-ong vlog, ginplano ni Ivana nga ipa-ubra ro ilong it helper nga si Mae bangud mabuhay eon kara nga handom nga magpatangos matapos nga ma-bully.
Suno sa igmanghod ni Mae nga si KC, unga pa eamang sanda hay ginasunlog eon raya bangud sa anang pango nga ilong.
Gin-aku man ni Ivana nga dati eon imaw nga gin-istorya ni Mae angot sa plano nana nga magpaayos it ilong ag haum nga hueog-hueogan ro paga-gastuson.
Sa Belo Medical Clinic gindaea ni Ivana ro andang helper agud nga masiguradong magiging manami ro resulta it operasyon.
Mismong si Dra. Vicki Belo ro nag-atubang sa pasyente ag ginpahayag nga VIP raya rason nga imbes nga abuton it sang dag-on ro paghueat sa schedule hay iga-pila eagi imaw.
