Napili nga maging kaparte it gabinete ni President-elect Ferdinand Marcos Jr. sanday dating Senate president Juan Ponce Enrile, outgoing Justice Secretary Menardo Guevarra ag retired General Jose Faustino Jr.
Ginpahayag ni Press Secretary-designate Trixie Cruz-Angeles nga si Enrile ro gintaeana nga presidential legal counsel.
Sambilog si Enrile sa pilang ginasaligan it ama ni BBM nga si dating Pangueong Ferdinand Marcos Sr ag kilaea bilang protege it dating pangueo.
Samtang, si Secretary Guevarra man ro may bag-ong posisyon bilang solicitor general ag si dating Armed Forces of the Philippines (AFP) chief of staff Faustino mat-a ro napilian bilang senior undersecretary ag officer-in-charge it Department of National Defense (DND).
Suno pa kay Angeles, highlight it nasambit nga nominasyon ro commitment ni Marcos para igapadayon ro economic development ag inclusive growth.
