KALIBO, Aklan–Batyag eon man it tourist transport sa probinsiya it Aklan ro epekto it sunud-sunod nga pagtinaas it presyo it produktong petrolyo.
Suno kay Bong Hablero, operation manager it CBTMPC land transport nga masyadong mahina ro andang bookings halin sa mga turista nga naga-arkila sa andang mga van.
Nagahinyu eon lang sigon sanda sa andang mga pasahero nga dugangan ro andang pamasahe agud nga indi man malugi.
Kaeabanan sigon sa andang ginakita hay naagto sa pagpatayon it langis ag owa eon it haeos nga gina-uli sa andang natungdan nga mga pamilya.
Ginpahayag ni Hablero nga pila sa andang mga drivers hay naga-isip eon lang nga indi eon magbiyahe bangud sa padayun nga pagtinaas it presyo it langis.
Nasayuran nga ro nasambit nga transport cooperative hay may biyahe nga “any point of panay” kun sa siin ro andang panueuktan hay nakadepende sa distansiya ag sa nakonsumo nga langis ukon numero it sakay nga pasahero.
Sa pihak nga parte, nagaeaum sigon sanda nga sa uman nga pagbalik it international flight sa kalibo international airport hay madugangan ro andang bookings.
