Pagatutukan ni VP-elect Sara Duterte-Carpio ro anang obligasyon bilang ginpili nga sekretarya it Department of Education (DepEd) sa tyempo nga makapungko raya sa pwesto.
Sa unang 100 diyas ni VP Sara, ginpakigbahin nana nga anang pagatutukan ro pagbalik it tanan nga mga estudyante sa basic education sa face to face classes.
Sa makaron sigon hay gradual ukon amat-amat nga ginapasugtan paeang it DepEd ag it CHED ro pagbalik it face to face classes umpisa ku nagtaliwan nga dag-on apang ro pagbalik it mga estudyante sa mga campus hay mahina kumpara sa kaeapit nga mga nasyon.
Suno kay VP Sara, magapokus raya sa pondo kung siin nakataeana nga iga-isumite eon ro andang pondo.
Sambilog man sa pagatutukan ni VP Sara ro K-12.
Dumistansiya man si VP Sara sa topiko sa pagbalik sa mandatory Reserve Officers’ Training Corps (ROTC).
Ginklaro ni Duterte nga ro CHED ro may kinamatarong nga magtalakay sa nasambit nga topiko bangud sa ro ginabuytan eamang it secretray it DepEd hay sa basic education.
