Gin-insister ni President-elect Bongbong Marcos ro importansiya nga mapadasig ro pagpaguwa it mga national identification card (ID) sa mga Pilipino.
Ginpahayag ni Marcos nga nataeopangdan nana nga “kueang” ro presenteng pag-isyu it mga national ID.
Ro national ID sa Pilipinas hay ginatawag nga Philippine Identification System ID (PhilSys ID).
Raya hay kilaea man bilang Philippine Identification Card (PhilID).
Makabig sigon nga praktikal nga rason ro gintao ni Marcos sa kahaegahan it mga ID bangud posible sigon nga mapadali ro pagpanudpod it bulig uko ayuda sa mga Pilipino.
Mataeopangdan nga ku nagtaliwan nga Abril dag-ong 2020 ukon sa mga unang dominggo it pandemya it Covid-19, nagpatigayon ro national government sa bilog nga nasyon it pagpanudpod it nagakaigo nga bulig pinansyal sa mga kubos nga pamilyang Pilipino kung siin ro pag-angkon it sangka national ID hay ginhimu nga mas madasig ro proseso.
