Kapin sa 20 nga concessionaire ro nagpasakop sa Kalye Kulinarya sa may Martelino Street nga gin-organisa it Municipal Economic Enterprise and Development Office ukon MEEDO it lokal nga gobyerno it Kalibo.
Raya hay kaparte sa mga aktibidad sa selebrasyon it kapyestahan ni San Juan de Bautista.
Ginpahayag ni Mary Gail Joel, head it MEEDO Kalibo nga makit-an ro pagkaeangkag it mga tawo matapos ro haeos daywang dag-on nga restriction tuga it pandemya.
Makit-an ro pagdagsa it maabong tawo partikular it mga pamillya nga gustong taw-an it oras ro kada isaea.
Masadya suno kana sa pamatyagan nga makit-an ro kalipay sa hitsura it mga nagbisita sa kalye kulinarya kon siin samtang nagakaon ro mga raya hay may banda nga nagatukar ag bukon eamang it mga akeanon kundi may naghalin pa sa mga kaeapit nga probinsya.
Ginpahayag dugang ni Joel nga ro participation ag registration fee it mga concessionaire hay maadto sa MEEDO Kalibo.
Kamana man sangka pamaagi sigon raya nga mabuhi it uman ro pangabuhian it mga restaurants nga eubusan nga naapektuhan sa nag-agi nga pandemya.
