Preparado eon ro barangay officials it Jawili, Tangalan sa pag monitor sa andang area of responsibility angot sa nagahilapit nga selebrasyon it kapyestahan ni Sr. San Juan de Bautista.
Suno kay Jawili Punong Brgy. James Tumbagahan, may deployment plan sigon sanda nga nakapreparar kaibahan ro mga miyembro it Municipal Disaster Risk Reduction Management Office ukon MDRRMO bangud sa ginaantisipar nga pagdagsa it maabong beach goer.
Ginpahayag dugang nga may trained rescuer sanda sa barangay kaibahan ro pila ka mga miyembro it Philippine Coast Guard nga sanda ro magapanguna sa pagbantay sa baybayon.
May kaangtanan kara, nagpadumdom si Tumbagahan sa tanan nga may planong magbisita sa andang baybayon nga magdahan partikular sa mga ginikanan nga bantayan it husto ro andang mga inonga agud nga malikawan ro insidente it pagkaeomos.
Nasayuran nga sambilog ro baybayon it Jawili sa mga ginadayo it mga magpamilya agud nga idto iselebrar ro kapyestahan ni Sr. San Juan de Bautista
