Gin-euwas it anang coach si American swimmer Anita Alvarez matapos nga maduea-an it alintro sa idaeom it swimming pool samtang imaw hay nakikipagkumpetensiya sa FINA World Aquatic Championships sa Budapest, Hungary.
Madasig nga nag-eumpat sa pool si Coach Andrea Fuentes para euwason ro 25-anyos nga artistic swimmer kat imaw hay eumugdang sa idaeom it tubi.
Gindaea ni Fuentes nga four-time Olympic medalist sa synchronized swimming si Alvarez sa ibabaw it pool antes raya ginsaylo sa strecher.
Raya eon ro pangaywang beses nga naeuwas ni Fuentes si Alvarez matapos nga malipong nga ro una hay ko nagtaliwan nga dag-on sa ginhiwat nga Olympic qualifications.
Pag-istorya ni Fuentes kat matapos ro routine it swimmer hay nakita kara nga medyo may saea bangud imbes nga mag-eutaw raya hay nagapaeugdang rason nga nagtawag imaw it lifeguard.
Bangud sa mahinay nga responde it lifeguard hay nagdesisyon eon imaw nga mag-eukso para euwason si Alvarez.
Pagataw-an pa it kahigayunan it FINA si Alvarez nga umanon ro pagpasakop sa kumpetisyon kung natapos eon ro anang pagpahuway.
