Ginmanduan it Sandiganbayan 2nd Division si President-elect Ferdinand Marcos ag kampo it ama kara nga magpresenta it ebidensiya may kaangtanan sa nagapabilin nga ill-gotten wealth case.
Sa ginpaguwa nga resolusyon nga Civil Case No. 0014, nga andang ginbasura ro motion nga pagbawae sa kinamatarong it mga defendants nga magpaguwa it andang ebidensiya.
Nakataeana sa Hulyo 7 ro pagpadayon it inisyal nga pagpresenta it mga ebidensiya it mga defendants.
Ro nasambit nga motion hay dati nga ginsumite it Presidential Commission on Good Government (PCGG)pamaagi sa Office of the Solicitor General (OSG).
Ginsumite ro nasambit nga motion matapos nga mapaseawan nga mag-agto sa initial presentation ku nagtaliwan nga Agosoto 13, 2019 it andang ebidensiya sanday Marcos Jr, ro ina kara nga si Imelda, mga igmanghod kara nga sanday Imee ag Irene kamana man ro mga defendants nga sanday Isaiah Pavia Cruz ag Don Ferry.
Ro Civil Case No. 0014 hay ginsumite ku nagtaliwan nga dag-ong 1987 kontra kanday dating Pangueong Ferdinand Marcos ag Imelda kung siin tuyo hay mabawi ro ill-gotten wealth, assets ag mga propyedad it mga Marcoses nga ginasugid nga na-angkon sigon sa iligal nga paggamit it pondo it gobyerno.
