Gin-engganyo ni Outgoing Senate President Vicente Sotto III ro incoming administration nga magpatigayon it reshuffle sa mga opisyal it Department of Agriculture sa tunga it alegasyon sa agri-smuggling sa nasyon.
Raya hay matapos nga maeakot ro pangaean it pilang ranking officials it DA kamana man it bureau of Customs bilang protector ag sumgglers it agricultural products sa ginpaguwa nga intelligence report nga ginsumite sa Senado.
Kaibahan sa mga ginpangaeanan nga kaibahan sigon sa agri-smuggling sanday Customs Commissioner Leonardo Guerrero, Navotas Mayor Toby Tiangco, Agriculture Undersecretary Ariel Cayanan, Bureau of Plant Industry Director George Culaste, Bureau of Fisheries ag Aquatic Resources Director Eduardo Gongona.
Sandig sa intel report, gaabot sa P667.5 million haega it mga tinuean-on ag agri-fishery products ro ginpasueod sa nasyon umpisa ku nagtaliwan nga dag-on it 2019 asta sa presenteng dag-on.
Dugang pa it Senador, posibleng pagagamiton raya it incoming Congress para igapadayon ro imbestigasyon.
Samtang, hugot man nga ginbalibaran ni BOC’s Import and Assessment Lawyer Yasser Abbas ro pakaeakot it anang pangaean sa nasambit nga iligal nga aktibidad.
Sa piphak nga parte, nauna eon nga gin-anunsiyo ni President-elect Ferdinand Marcos Jr nga iimaw anay ro temporaryong magapanguna sa Department of Agriculture sa unang parte it termino para maresolba ro mga isyu sa taeatapan.
