KALIBO, Aklan—Nagapanawagan ro Kalibo Veterans Post sa mga beterano nga iproseso eon ro andang mga papeles agud nga ma-claim ro andang P1,000 nga nutritional supplement nga naka-pending haeos daywang dag-on eon ro nagtaliwan.
Suno kay Rodolfo de Vicente, presidente ag coordinator it Kalibo Veterans Post nga tuga it pandemya daea it COVID 19 hay na-pending ro cheke it mga beterano nga PVAO ag non-PVAO pensionairre.
Ro nasambit sigon nga kantidad hay dugang nga benepisyo halin sa gobyerno para sa mga dating miyembro it army, navy, airforce ag Philippine constabulary ukon PC nga makabig nga mga post war veteran.
Magdaea eamang sigon it PVAO ID ag kon bukon pa it pensionairre hay ro non-PVAO ID ag iba pang retired ID cards.
Ro dokumento sigon hay daehon sa veterans office sa likod it ABL sports complex agud nga maproseso.
Gin engganyo man nana ro mga kaparehong beterano nga magtambong sa andang meeting kada first Friday of the month agud nga ma-update sa mga benepisyo.
Nasayuran nga kapin sa 49 nga mga beterano ro owa pa nakabo-oe it nasambit nga kantidad.
