KALIBO, Aklan—Gintaw-an it farewell party ro tatlo ka mga sangguniang bayan members it Kalibo nga nagtapos eon ro andang termino.
Sanday Mark Ace Bautista ag Mark Vega Quimpo hay magapungko eon umpisa makaron nga adlaw bilang board members sa first district it Aklan samtang si Daisy Briones hay magapahuway eon sa pulitika ag gusto eon lang nana nga maging ordinaryong citizen.
Sa tagsa-tagsa nanda ka mga mensahe, ginpasaeamatan it mga raya ro andang mga naging kaibahan sa konseho sa sueod it tatlong termino nga pagpanerbisyo sa lokal nga gobyerno it Kalibo kamana man sa kumpyansa ag suporta nga ginta-o kanda it mga kalibonhon.
Ginpahayag dugang it daywang batang board members nga padayunon it mga raya ro andang naumpisahan sa LGU kon siin ginsaligan sanda it publiko nga bukon eamang it limitado sa mga kalibonhon ro andang pagpanerbisyo kundi sa bilog eon nga probinsya it Aklan.
