Good news sa mga solo parent!
Eubus eon nga laye ro Republic Act No. 11861.
Nakabaehag kara ro dugang nga benepisyo nga mabaton it mga solo parent sa nasyon.
Nakabaehag sa bag-ong laye nga makaangkon it flexible work schedule ro mga solo parent employee, monthly cash subsidy para sa minimum wage earners ag scholarship para sa mga raya ag sa andang unga.
Pagataw-an man ro mga solo parent it dugang nga parental leave benefits agud nga mabalanse ro trabaho ag responsibilidad sa andang unga, partikular sa mga hitabu kun sa siin kinahangean ro presensya it ginikanan.
Awtomatiko man nga makaangkon it health insurance ro mga raya sa idaeum it National Health Insurance Program (NHIP) it PhilHealth.
Sa idaeum it laye, ginpaeawig man ro depinisyon it solo parent.
Ro Department of Social Welfare and Development (DSWD), kabulig ro nagkaeain-eain nga ahensya it gobyerno hay maga-develop it komprehensibong social protection services package para sa solo parent ag unga it mga raya.
Nasayuran nga eubus raya nga naging laye ko Hunyo 4, 2022, ag magiging epektibo 15 diyas matapos nga ma-publish sa mga peryodiko.
Mabahoe nga bulig raya sa mga solo parent ag sa andang mga unga, eabi eon makaron nga sa tunga gihapon kita it pandemya nga gindunganan it waea-tuo nga pagtaas it presyo.
Nagaeaum kita nga magiging maayos ro pagpatuman it nasambit nga laye.
