Bukas ro Department of Labor and Employment (DOLE) sa idaeom it liderato ni bag-ong Secretary Bienvenido Laguesma nga uman nga talakayon ro mabuhay eon nga isyu sa tunga it mga manug-ubra ag employers partikular eon ro contractualization ag ro proposal nga taasan ro national minimum wage.
Suno sa sekretaryo, sambilog sa marching order it Marcos administration para sa kagawaran hay ro magpaidaeom sa konsultasyon sa tanan nga concerned sectors para masiguro eon ro insigidas nga aksyon sa mga problema ngara.
Ginpahayag it sekretaryo nga nagpatigayon raya it dayalogo sa labor groups pilang dominggo antes raya hay magpungko sa pwesto bilang sekretaryo it DOLE ag nakataeana mang makig-istorya si Laguesma sa management sector makaron nga dominggo.
Gin-insister ni Laguesma nga mabahoe nga isyu sa contractual arragement hay ro endo kung siin ginatapos sigon ro pagserbisyo apisar nga kinahangean pang padayunon.
Haum man ro sekretaryo nga ipaabot ro nasambit nga isyu sa mga mamalidha ag komiteba sa parehong kapueungan it Kongreso.
Bukas man ro bag-ong sekretaryo nga pamatian ro proposisyon nga taasan ro national minimum wage it asta P750 kamana man sa iba pang mga lugar sa nasyon.
Ginpakigbahin it sekretaryo nga tatlo sa nagapanguna nga concern it labor groups hay job security, income benefits ag mas mataas nga purchasing power para masabat ro mataas nga presyo it mga baeakeon.
