Rescuers padayon ro ginapatigayon nga pag-usoy sa mga natabunan it  landslide sa India

Padayon ro ginapatigayon nga pag-usoy it mga   rescuers sa 20 katawo nga nareport nga naduea bangud sa maeapnagon nga   landslide sa Manipur, India.

Umpisa pa sigon ku nagtaliwan nga mga inadlaw hay gaabot eon sa kapin  40 katawo ro namatay matapos nga matabunan it eugta sa ginahimu nga  riles sa lugar.

Sa pihak kara, may kapin sa  18 katawo  man ro hatigayon nga marescue  matapos matabunan.

Kaeabanan  sa mga biktima hay mga manug-ubra sa nasambit nga ginahimu nga  riles.

Samtang, bangud man sa mabaskog nga pag-inuean hay ginbaha ro mabahoe nga bahin it  mga rehiyon it Assam, Manipur, Meghalaya ag Tripur.