KALIBO, Aklan–Ginakabig eon makaron nga bukon it delikado nga baeatian ro monkeypox sa United Kingdom.
Suno kay Bombo International Correspondent Ramil Isogon it UK nga may kapin sa 1351 total cases eon it nasambit nga virus sa UK as of July 4, 2022.
Sa kabilugan sigon nga numero owa pa kara it naireport nganamatay rason nga ginakabig eon it mga eksperto nga bukon raya it makamaeatay.
Samtang padayon man ro pagpaidaeom it nasyon sa paggamit it bakuna nga ginagamit eamang sigon dati sa mga maisot nga klase it pox apang sa makaron ginagamit eon man raya sa mga may monkeypox.
Padayon man ro pagpadumdum it mga otoridad sa mga pumueoyo it UK nga padayun nga magdahan ag likawan ro pag-adto sa mga lugar nga infected it nasambit nga virus.
Base sa datus, kaabuan sa mga monkeypox patients sa London hay mga eaeaki nga nakipag-hieawas sa kaparehong eaeaki nga ginakaeakipan it 60 porsyento it kabilugan nga kaso.
