Masobra sa 900 nga drug suspects sa bilog nga western visayas ro natigayon nga maaresto it kapulisan sa haeos 800 nga operasyon sa unang quarter it makaron nga dag-on 2022.
Suno kay P/Lt. Col. Arnel Solis, tagapaghambae it PRO-6 nga raya hay bunga it andang sigidas ag mas pang ginpabaskog nga kampanya kontra sa iligal nga droga.
Kapin sa 139 milyon pesos nga balor it ginadudahan nga droga partikular ro shabu ro natigayon nga makumpiska.
Sa padayun nga pakikipagbueuligan sa natungdan nga ahensiya it gobyerno sa pagtapna it illegal drugs, naga-abot eon sigon makaron sa masobra sa 87% nga barangay sa bilog nga region 6 ro drug cleared.
Kumpara ko nagtaliwan nga dag-on hay padayun ro pagtaas it numero it mga barangay nga gindeklarang hilway eon sa illegal nga droga.
Sa pihak nga parte, nagnaba man suno kana ro total crime volume sa region 6 it 4% sa unang sementer it 2022 kumpara sa kaparehong period ko nagtaliwan nga dag-on.
Raya hay sa pihak nga maabu eon nga tawo sa karsada tuga it ginhaeugaan nga travel restrictions.
Bangud kara, generally peaceful ro rehiyon matapos nga owa it na-monitor nga anuman nga paeag .
