KALIBO, Aklan—Masubo ro Filipino community sa Sri Lanka sa gindangatan it nasambit nga nasyon nga presenteng nagapangatubang sa grabeng krisis.
Suno kay Bombo International Correspondent Zeny Verdillo Gadut it Sri Lanka nga antes ro naexperiensiyahan nga krisis hay mayad man ro ekonomiya idtu.
Sa kamatuoran suno kana ko kasagsagan it pagpanaeasa it COVID 19 pandemic hay maabu nga mga pinoy ro natapnan it sakit, apang libre ro tanan nanda nga medikasyon.
Sa pihak it mga nagakatabu nga rally it mga anti-government protesters, owa it nailistang nadaeahig nga pinoy sa mga kinagamo.
Ginataw-an man sigon makaron it kahigayunan ro mga overseas Filipino workers nga mag-avail it repatriation nga ginatanyag it gobyerno it Pilipinas.
Nasayuran nga pilang buean eon nga nagapatigayon it protesta ro mga nagakontra sa gobyerno kun sa siin nagapanguna nanda nga ginaduso ro pagresign sa pwesto ni Sri Lankan president Gotabaya Rajapaksa bangud sa indi masolusyunan nga kabudlay it mga pumueuyu.
Owa sigon nadumaeahan it maayos ro nasyon nga nagresulta sa bankruptcy.
Gindugang pa ni Gadut nga nakataeana eon nga magapanaog sa pwesto si Rajapaksa sa maabot nga Hulyo 13 agud nga masiguro nga magiging matawhay ro transition kara.
Ginsaysay pa ni Gadut nga napilitan nga maghalin sa anang official residence ro Sri Lankan President matapos raya nga salakayon it mga naga-protesta.
